“NATO ölkələrinin silah ehtiyatları tükənib" - Baş katib
NATO-nun baş katibi Yens Stoltenberq hesab edir ki, NATO ölkələri silah istehsalını artırmalıdırlar, çünki Kiyevə tədarüklər səbəbindən silah ehtiyatları tükənib.
Redaktor.az xəbər verir ki, Stoltenberq bunu “Bloomberg”ə müsahibəsində deyib.
“NATO müttəfiqlərinin Ukraynaya dəstək verə bilmək üçün təchizatı tükənib, ona görə də biz yeni məqsədlərə çatmaq üçün hasilatı artırmalıyıq”.
Baş katib alyans üzvlərini müqavilələri imzalamağa çağırıb, çünki o zaman sənaye investisiya qoymağa və hasilatı artırmağa hazır olacaq.
Qeyd edək ki, NATO ölkələri iyulun 11-12-də Vilnüsdə keçiriləcək sammit zamanı həm Kiyevə, həm də öz ehtiyacları üçün yardımı davam etdirmək üçün hasilatın artırılması və birgə satınalmaların artırılması üzrə fəaliyyət planını razılaşdırmağı planlaşdırır.
Bir müddət əvvəl Avropa İttifaqının xarici işlər və təhlükəsizlik siyasəti üzrə ali nümayəndəsi Josep Borrell bildirmişdi ki, Avropa İttifaqı da Ukraynaya silah verməklə öz hərbi ehtiyatlarını tükəndirib.
Arzu İSMAYIL
Bizi Telegram-da izləyin...
