"Ukraynanın NATO-ya qəbulu məsələsində hələ də fikir ayrılıqları var" - Ben Uolles
Ukraynanın NATO-ya qəbulu tez olmayacaq, çünki bu məsələdə hələ də fikir ayrılıqları var. Bununla belə, alyans Ukraynanı dəstəkləməyə hazırdır.
Redaktor.az xəbər verir ki, bu barədə Böyük Britaniyanın müdafiə naziri Ben Uolles “The Washington Post” qəzetinə müsahibəsində deyib.
O bildirib ki, Ukraynanın NATO-ya daxil olması perspektivləri ilə bağlı fikir ayrılıqları var. Onun sözlərinə görə, alyans Avropa İttifaqı kimi keçmişin səhvlərini təkrarlamaq istəmir, namizədlərə erkən üzvlük vəd edir.
"Biz realist olmalıyıq və "Bu, Vilnüsdə baş verməyəcək" deməliyik. Bu, tezliklə baş verməyəcək", - Uolles deyib.
Nazirin sözlərinə görə, NATO “Ukraynaya kömək etmək və ona 100 faiz yox, NATO ilə eyni effekt vermək” alternativlərini nəzərdən keçirir.
Uolles bildirib ki, bir sıra ölkələr Ukrayna ilə ikitərəfli və ya çoxtərəfli “qarşılıqlı müdafiə paktları” bağlamağa və ölkənin hərbi potensialının artırılmasına dair uzunmüddətli planlar üzərində öhdəlik götürməyə hazırdırlar.
Onun fikrincə, bu, Ukraynanın təhlükəsizliyini təmin edəcək və "qarşıdakı 10 il ərzində quru qoşunları əhəmiyyətli dərəcədə Rusiyanın təcavüzünü təkrarlamasının qarşısını alacaq.
Turan İSMAYIL
Bizi Telegram-da izləyin...
