Yaponiyada sərnişinlərlə dolu iki təyyarə toqquşdu - VİDEO
Tokiodakı Haneda hava limanında Tayvanın “EVA Air” və “Thai Airways” aviaşirkətlərinə məxsus təyyarələr uçuş-enmə zolağında toqquşublar.
Redaktor.az xəbər verir ki, bu barədə Yaponiyanın Torpaq, İnfrastruktur, Nəqliyyat və Turizm Nazirliyi məlumat yayıb.
“EVA Air”in təyyarəsində 207, “Thai Airways”in təyyarəsində isə 264 sərnişin və ekipaj üzvü olub. Toqquşma nəticəsində ikinci təyyarənin qanadları zədələnib.
Zərərçəkənlər barədə məlumat yoxdur.
Toqquşmadan sonra hava limanının dörd uçuş-enmə zolağından ikisi bir neçə saatlıq bağlanıb, bəzi daxili və beynəlxalq reyslər isə təxirə salınıb.
Bizi Telegram-da izləyin...
