Bolqarıstanın bütün region qubernatorları kütləvi şəkildə istefa verdi
Bolqarıstanda vilayət qubernatorları və onların müavinlərinin kütləvi istefası başlayıb.
Redaktor.az "Sputniok"ə istinadla xəbər verir ki, nu barədə bazar ertəsi hökumətin mətbuat xidməti məlumat yayıb.
"Ölkənin hər yerindən hökumətə vilayət qubernatorlarının və onların müavinlərinin istefası ilə bağlı ərizələr daxil olur. Aksiya misilsizdir və yeni nazirilərin vətəndaşlar qarşısında öhdəliklərinin öhdəsindən gəlmək qabiliyyəti üçün ciddi sınaq olacaq",- hesabatda deyilir. .
Bolqarıstan Milli Radiosunun məlumatına görə, ölkənin demək olar ki, bütün vilayətlərinin qubernatorları istefa verib, onların əksəriyyəti bu qərarı ölkənin yeni hökuməti qarşısında “mənəvi akt” kimi qiymətləndirib.
Həmkarlarına dəstək verməkdən imtina edən yeganə qubernator Pernik vilayətinin rəhbəri Lyudmil Veselinov olub və o, bölgəni taleyin ümidinə buraxmayacağını deyib və hakimiyyətin davamlılığının vacibliyini vurğulayıb.
Nazirlər Kabinetinin mətbuat xidmətinin qeyd etdiyi kimi, qubernatorlara geniş səlahiyyətlər verilib, onlara eyni zamanda hökumət adından regional inkişafın əlaqələndirilməsi, ərazi strukturlarının və yerli özünüidarəetmə orqanlarının işinə nəzarətin təmin edilməsi vəzifəsi həvalə edilib.
Odur ki, Bolqarıstanın Nazirlər Şurası (hökuməti) onların işdən çıxarılması ilə bağlı müraciətlərinə mərhələli şəkildə baxacaq, yekun qərar qəbul olunana qədər regionların rəhbərliyi öz vəzifələrini yerinə yetirməyə davam edəcək.
Tunar Altunbay
Bizi Telegram-da izləyin...
