Ukraynada Rusiyanın “Alliqator”u məhv edildi
Ukrayna Silahlı Qüvvələri Rusiyanın daha çox “Alliqator” kimi tanınan “Ka-52” kəşfiyyat-zərbə helikopterini məhv edib.
Redaktor.az xəbər verir ki, bu barədə “RBK-Ukrayna” Ukrayna Silahlı Qüvvələrinin Baş Qərargahının bəyanatına istinadən məlumat yayıb.
“Hərbçilərimiz “Alliqator” kimi tanınan daha bir bahalı zərbə helikopteri – “Ka-52”ni məhv ediblər”, - məlumatda bildirilir.
Bununla belə, helikopterin cəbhənin hansı istiqamətində vurulduğu göstərilməyib.
Qeyd edək ki, “Ka-52” helikopteri döyüş meydanında zirehli və zirehli olmayan texnikaları, canlı qüvvə və hava hədəflərini vurmaq qabiliyyətinə malikdir.
Bizi Telegram-da izləyin...
