Britaniya Kosovaya əlavə 330 əsgər göndərəcək
NATO Kosovo Qüvvələrində (KFOR) Britaniya kontingenti bu il müvəqqəti olaraq 40 nəfərdən 330 nəfərə qədər artırılacaq.
Redaktor.az TASS-a istinadla bildirir ki, bu barədə Böyük Britaniyanın müdafiə nazirinin müavini Ceyms Hippinin dərc olunmuş yazılı bəyanatında deyilir. Artımın səbəbi Britaniya hərbçilərinin KFOR təlimlərində iştirakı ilə izah edib.
"Bu ilin avqustundan oktyabr ayına qədər KFOR-a töhfəmiz yenidən KFOR Əməliyyat Məşqi təlimi üçün 330 əsgərə qədər artacaq. Böyük Britaniya KFOR-a və Kosovonun təhlükəsizliyinə sadiq qalır, bu yaxınlarda təsdiqləndi ki, biz ən azı 2026-cı ilə qədər KFOR-un formalaşmasına töhfə verməyə davam edəcəyik",- Hippi deyib.
Parlamentin sorğusuna cavab olaraq, Müdafiə Nazirliyi 2015-ci ildən 2023-cü ilə qədər KFOR-un tərkibində olan Britaniya əsgərlərinin sayı ilə bağlı məlumatları da dərc edib. Bu rəqəm 2021 və 2022-ci illər istisna olmaqla, müvafiq olaraq 540 və 121 hərbi qulluqçuya qədər artaraq 30-60 şəxsi heyət səviyyəsində dəyişir. Bu da təlimlərlə izah edilib.
Xatırladaq ki, mayın 26-da Kosovo polisinin xüsusi təyinatlı qüvvələrinin Zveçan, Zubin Potok və Leposaviç bələdiyyələrində inzibati binaları zəbt etməsindən sonra Kosovonun şimalındakı və Metoxiyadakı Serb bələdiyyələrində vəziyyət gərginləşib. Təhlükəsizlik qüvvələri Serb əhalisinin boykot etdiyi seçkilərdə qalib gələn bələdiyyə başçılarının vəzifəyə başlamasını təmin etməyə çalışıb.
Mayın 29-da NATO Kosovo Qüvvələri yerli əhalinin etiraz aksiyaları keçirdikləri hökumət binalarını mühasirəyə alıb və bu, toqquşmalara çevrilib.
Tunar Altunbay
Bizi Telegram-da izləyin...
