Rusiya taxıl sazişindən çıxmağı düşünür
"Rusiya taxıl sazişindən çıxmağı düşünür".
Redaktor.az TASS-a istinadla xəbər verir ki, bu barədə Rusiya Prezidenti Vladimir Purin deyib.
"biz bunu Ukrayna üçün etmirik. Biz bunu Afrika və Latın Amerikasındakı dost ölkələrimiz üçün edirik. Çünki taxıl, ilk növbədə, dünyanın ən kasıb ölkələrinə getməlidir", - o, hərbi jurnalistlərlə görüşdə bildirib.
Onun sözlərinə görə, sövdələşmə çərçivəsində əldə olunan razılaşmalar yerinə yetirilməyib.
"Lakin bizi növbəti dəfə aldatdılar, ona görə də, taxıl sazişindən çıxmaq barədə düşünürük. Bundan əlavə, bu taxıl dəhlizləri düşmən tərəfindən silahların tədarükü və dənizdən pilotsuz təyyarələrinin buraxılması üçün istifadə olunur", - Rusiya prezidenti bildirib.
O, həmçinin əlavə edib ki, Ukrayna taxılının yalnız 3,5 faizi dünyanın ən yoxsul ölkələrinə, 40%-dən çoxu isə Aİ ölkələrinə gedir.
Qeyd edək ki, 2022-ci il iyulun 22-də Rusiya, Türkiyə, Ukrayna və BMT nümayəndələri tərəfindən imzalanan Qara Dəniz Taxıl Təşəbbüsü Odessa da daxil olmaqla üç limandan Ukrayna taxılının, ərzaq və gübrələrin Qara dəniz vasitəsilə ixracını nəzərdə tutur. Gəmilərin hərəkətinin koordinasiyası İstanbuldakı Birgə Koordinasiya Mərkəzi tərəfindən həyata keçirilir. Rusiya prezidenti Vladimir Putin sentyabrda qeyd edib ki, Qərb Ukrayna taxılının böyük hissəsini Afrikanın ehtiyacı olan ölkələrinə deyil, öz dövlətlərinə ixrac edir.
Taxıl təşəbbüsü paket sazişinin tərkib hissəsidir. İkinci hissə, üç il müddətinə nəzərdə tutulmuş Rusiya-BMT memorandumu, Rusiyanın ərzaq və gübrə ixracının qarşısının alınmasını, Rusiya Kənd Təsərrüfatı Bankının SWIFT-ə yenidən qoşulmasını, kənd təsərrüfatı texnikası, ehtiyat hissələri və xidmətlərin tədarükünün bərpasını nəzərdə tutur. Togliatti-Odessa ammonyak boru kəmərinin bərpası və bir sıra digər tədbirlər.
Moskvada qeyd edildiyi kimi, paket sazişinin bu hissəsi hələ də həyata keçirilməyib.
Mayın 18-də məlum olub ki, sövdələşmə heç bir dəyişiklik edilmədən uzadılıb.
Tunar Altunbay
Bizi Telegram-da izləyin...
