"Rusiya Ukraynaya göndərilən F-16-ları məhv edəcək" - Peskov
Qərb Kiyevə F-16 təyyarələri tədarük etsə, Rusiya onları digər hərbi texnika kimi Ukrayna ərazisində məhv edəcək.
Redaktor.az xəbər verir ki, bunu TASS-a Rusiya Federasiyası prezidentinin mətbuat katibi Dmitri Peskov “Ukrayna” F-16-ların başqa ölkələrin ərazisində yerləşdirildiyi təqdirdə onlara zərbə endirmə ehtimalı ilə bağlı sualı cavablandırarkən deyib.
“Xeyr, onlar hələ də Ukrayna ərazisində işləyəcəklər”, - Kreml sözçüsü bildirib.
"Əgər onlar Ukrayna ərazisində işləsələr, bütün digər xarici hərbi texnikalar kimi məhv ediləcəklər", - Kreml sözçüsü izah edib: "Söhbət Ukrayna ərazisindən gedir".
Bundan əvvəl Sankt-Peterburq Beynəlxalq İqtisadi Forumunun (SPİEF) plenar iclasında Rusiya prezidenti Vladimir Putin F-16-ların Ukrayna silahlı qüvvələrinin tərkibində peyda olacağı təqdirdə alman Leopard tankları ilə eyni şəkildə "yanacaqlarını" əmin edib.
Eyni zamanda prezident vurğulayıb ki, Kiyevə tədarük edilən qırıcılar Ukraynadan kənarda yerləşən aviabazalarda yerləşdiriləcək, lakin döyüş əməliyyatlarında istifadə olunacaqsa, o zaman Rusiya tərəfi bu silahları necə və harada vuracağına baxmalı olacaq.
Xatırladaq ki, mayın 21-də ABŞ prezidenti Co Bayden Xirosimada keçirilən G-7 sammitindən sonra keçirilən mətbuat konfransında Qərbin F-16 da daxil olmaqla dördüncü nəsil döyüş təyyarələrini idarə etmək üçün ukraynalı pilotlara təlimlərə başlayacağını bəyan edib.
Eyni zamanda, ABŞ prezidentinin milli təhlükəsizlik üzrə köməkçisi Ceyk Sallivan bildirib ki, Vaşinqton yaxın aylarda hansı dövlətlərin F-16 təyyarələrini Kiyevə təhvil verməsini həmfikirlərlə müzakirə edəcək.
Tunar Altunbay
Bizi Telegram-da izləyin...
