Bayden Belarusda nüvə raketlərinin yerləşdirilməsini “tamamilə məsuliyyətsizlik” adlandırdı
ABŞ prezidenti Co Bayden Rusiyanın taktiki nüvə silahlarının (TNW) Belarusda yerləşdirilməsini “tamamilə məsuliyyətsizlik” hesab edir.
Redaktor.az TASS-a istinadla xəbər verir ki, bu barədə şənbə günü Ağ Evin mətbuat xidməti tərəfindən yayılan bəyanatda bildirilir.
"Mən artıq bu barədə dəfələrlə fikir bildirmişəm. Bu, tamamilə məsuliyyətsizlikdir", - bəyanatda deyilir.
Xatırladaq ki, Rusiya prezidenti Vladimir Putin martın 25-də bildirib ki, Rusiya Belarusun xahişi ilə ABŞ-ın çoxdan öz müttəfiqlərinin ərazisində etdiyi kimi, öz taktiki nüvə silahlarını respublikada yerləşdirəcək.
Moskva artıq Minskə nüvə silahı daşıya bilən “İsgəndər” raket kompleksini təhvil verib və Belarus təyyarələrinin xüsusi döyüş sursatlarından istifadə etmək qabiliyyətinə malik olması üçün yenidən təchiz edilməsinə yardım edib. Belarusiyalı raketçilər və pilotlar Rusiyada müvafiq təlim keçiblər.
İyunun 9-da Belarus prezidenti Aleksandr Lukaşenko ilə görüşdə Putin Rusiyanın nüvə silahlarının Belarusda yerləşdirilməsinə iyulun 7-8-də onlar üçün qurğuların hazırlanması başa çatdıqdan dərhal sonra başlanacağını bəyan edib.
Tunar Altunbay
Bizi Telegram-da izləyin...
