"Ukraynadakı münaqişə dondurulmasın" -Baş katib
"Ədalətli dünya Ukraynadakı münaqişənin dondurulmasını ehtiva edə bilməz".
Redaktor.az “Reuters”ə istinadla xəbər verir ki, buna NATO baş katibi Yens Stoltenberq Almaniya kansleri Olaf Şolzla birgə mətbuat konfransında deyib.
“Hər kəs bu müharibənin bitməsini istəyir, lakin ədalətli sülhə münaqişənin dondurulması və Rusiyanın diktə etdiyi şərtlərlə razılaşma daxil ola bilməz ”, - deyə Şimali Atlantika Alyansının rəhbəri bildirib.
NATO-nun baş katibi alyansın qarşıdan gələn sammitinin Kiyev üçün əhəmiyyətindən də danışıb .
O vurğulayıb ki, Vilnüsdə keçiriləcək sammitdə Ukraynaya çoxillik hərbi dəstək proqramı mövzusuna toxunulacaq və bu da onu Şimali Atlantika Alyansına yaxınlaşdıracaq.
Arzu İSMAYIL
Bizi Telegram-da izləyin...
