Uğursuz qiyam Rusiya ilə dostları arasında münasibətlərdə çətinlik yaratmayacaq
Uğursuz qiyam Rusiya Federasiyası ilə dostları arasında münasibətlərdə çətinlik yaratmayacaq, amma qalanları üçün bunun heç bir fərqi yoxdur.
Redaktor.az xəbər verir ki, bunu Rusiya xarici işlər naziri Sergey Lavrov RT-yə müsahibəsində bildirib.
Onun sözlərinə görə, Rusiya xüsusi xidmət orqanları 24 iyun hadisələrində Qərb kəşfiyyat xidmətlərinin iştirak edib-etmədiyini araşdırır.
Lavrov bildirib ki, onun bir çox həmkarı 24 iyun hadisələri fonunda Rusiya Federasiyası ilə həmrəylik ifadə edib, lakin bəziləri zənglər barədə açıq danışmamağı xahiş edib.
Lavrov ABŞ səfirinin Rusiya Federasiyasında baş verənlərlə bağlı Rusiya nümayəndələri ilə əlaqə saxladığını da təsdiqləyib. Qeyd edib ki, ABŞ səfiri Rusiya Federasiyasının nümayəndələri ilə qiyam ətrafındakı vəziyyətlə bağlı söhbətində bunun Rusiyanın daxili işi olduğunu deyib.
"ABŞ səfiri Rusiya Federasiyasının nümayəndələrinə Vaşinqtonun qiyamla heç bir əlaqəsinin olmadığını və nüvə silahının təhlükəsizliyinə ümid etdiyini bildirən siqnallar verib", deyə Rusiya XİN başçısı vurğulayıb.
Bizi Telegram-da izləyin...
