Fransada etirazçılar polisləri öldürmək istəyib
Polisin 17 yaşlı sürücünü öldürməsindən sonra Fransanın hər yerində baş verən iğtişaşlarda bir sıra iştirakçılar polisləri öldürmək istəyini nümayiş etdirib.
Redaktor.az TASS-a istinadla xəbər verir ki, bu qənaətə Fransanın Milli Ərazi Kəşfiyyat İdarəsi gəlib.
"Hüquq-mühafizə orqanlarının nümayəndələrini öldürmək istəyi "qisas" və "qisas qanunu" kimi çox aydın şüarlarla açıq şəkildə ifadə edildi. Linç riski real idi. Xoşbəxtlikdən, dövriyyədə olan sayını nəzərə alaraq odlu silahlardan çox nadir hallarda istifadə olunurdu", - deyə idarənin nümayəndəsi "Monde" qəzetinə deyib. Onun fikrincə, ağır texnikanın istifadəsi və elit xüsusi təyinatlıların cəlb edilməsi sayəsində itkilərin qarşısını almaq mümkün olub, “halbuki 2005-ci ildə [şəhərətrafı iğtişaşlar zamanı] əsas polis texnikası ilə dolanmaq mümkün idi”.
İştirakçıların tərkibinə gəlincə, saxlanılanların yalnız 45%-i əvvəllər hüquq-mühafizə orqanları əməkdaşlarının diqqətinə çatdırılıb, böyük əksəriyyəti isə onları polisə gətirmə tarixçəsi olmayan gənclərdir. Kəşfiyyat İdarəsinin sözçüsünə görə, 2003-2006-cı illər nəsli məktəblərdə ciddi məhdudiyyətlər və qadağalarla pandemiya böhranının tam təsirini hiss etdi:
"Onlar, sadəcə olaraq, törətdikləri zorakılığın ciddiliyini dərk etmirlər, bu, onlar üçün bir oyundur. Onların zorakılıq və nümayişlər kodeksi yoxdur. İctimai asayişə meydan oxumaq, səs-küy salmağın bir yoludur".
Turan İSMAYIL
Bizi Telegram-da izləyin...
