Rus işğalçıları fəal şəkildə Krımın müdafiəsinə hazırlaşır - Generaldan AÇIQLAMA
Müvəqqəti olaraq işğal olunmuş Krımda ruslar fəal şəkildə müdafiəyə hazırlaşırlar.
Redaktor.az xəbər verir ki, bunu “Ukrinform”a müsahibəsində Ukrayna Silahlı Qüvvələri Baş Qərargahının Baş Əməliyyat İdarəsinin rəisi, briqada generalı Aleksiy Qromov bildirib.
“Müvəqqəti olaraq işğal olunmuş Krımda düşmən fəal müdafiəyə hazırlaşır: yarımadanın şimalında istehkamların tikintisi demək olar ki, başa çatıb, Krımın şimal-qərb və qərb sahillərində Ukrayna Müdafiə Qüvvələrinin amfibiya hücum qüvvələrinin mümkün enişin qarşısını almaq üçün antiamfibiya müdafiə sistemi yaradılır”, - general deyib.
Baş Qərargahın Baş Əməliyyat İdarəsinin rəisinin sözlərinə görə, hələlik rus hərbçi ailələrinin yarımadadan qaçması ilə bağlı dəqiq məlumat yoxdur. Eyni zamanda, Ukrayna əsgərlərinin Perekop və Çonqar istmuslarına yaxınlaşmasından sonra Krımı tərk etməyə çalışacaq insanların böyük axını gözlənilir.
Turan İSMAYIL
Bizi Telegram-da izləyin...
