Ukrayna hazırda NATO üzvlüyünə daha yaxındır - Baş katib
"Ukrayna indi 2008-ci ildən alyansa qoşulmağa daha yaxındır".
Redaktor.az TASS-a istinadla xəbər verir ki, bunu NATO-nun baş katibi Yens Stoltenberq "Financial Times" qəzetinə müsahibəsində deyib
"2008-ci illə müqayisədə Ukrayna indi NATO-ya daha yaxındır. Bu faktdır", - o, bildirib.
Stoltenberq qeyd edib ki, o, Ukraynanın bir gün alyansa üzv olacağına inanır, lakin münasib vaxtı NATO üzvü olan ölkələr özləri müəyyən edəcəklər. "Mən tam əminəm ki, biz müttəfiqləri birləşdirəcək və aydın siqnal göndərəcək hansısa həll yoluna gələcəyik", - baş katib bildirib.
Nəşrin digər həmsöhbətlərinin, alyansın yüksək rütbəli rəsmilərinin sözlərinə görə, NATO ölkələri bir neçə dövlətin Ukraynaya fərdi dəstəyini təmin edən çoxtərəfli bəyannamə üzərində işləyir. Sənəddə həmçinin silah transferinin davam etdirilməsi, Ukrayna hərbçilərinin təlimi, kəşfiyyat məlumatlarının bölüşdürülməsi və təhlükəsizlik siyasətində islahatların aparılmasına köməklik göstəriləcək.
Rəsmilər qeyd edirlər ki, Ukrayna üçün istənilən təhlükəsizlik zəmanəti alyansa baha başa gələcək. “Narahatdır ki, biz təhlükəsizlik zəmanətləri, zəmanətlər və vədlər haqqında nə qədər çox danışsaq, bunun son dərəcə baha olduğu bir o qədər aydın olur”, - yüksək vəzifəli məmur nəşrə bildirib.
Bundan əvvəl baş katib Stoltenberq bildirib ki, Ukrayna iyulun 11-12-də Vilnüsdə keçiriləcək qarşıdan gələn sammitdə NATO-ya dəvət almayacaq, lakin ona “alyansın qapıları açıq qalacaq” kimi güclü siqnal göndəriləcək. O, həmçinin bildirib ki, NATO Ukraynaya çoxillik hərbi yardım proqramı qəbul edəcək və bu proqram Rusiya ilə münaqişənin gedişindən asılı olmayaraq həyata keçirilməlidir.
xatırladaq ki, NATO 2008-ci ilin aprelində Buxarest sammitində Ukraynanın sonda alyansa üzv olacağına dair siyasi bəyanat verdi, lakin ölkənin hüquqi qəbulu prosesində ilk addım olan üzvlük fəaliyyət planını təqdim etmədi. 2019-cu ilin fevralında Ali Rada ölkənin NATO-ya üzv olmaq istəklərini birləşdirən konstitusiyaya düzəlişləri təsdiqləyib. Ukrayna prezidenti Volodimir Zelenski dəfələrlə bəyan edib ki, Kiyev alyansa qoşulmaq üçün konkret şərtlərin anlaşılmasına nail olmaq istəyir.
Turan İSMAYIL
Bizi Telegram-da izləyin...
