Putin Kremldə "Vaqner" komandirləri ilə nə danışıb?
Rusiya Federasiyası Prezidentinin mətbuat katibi Dmitri Peskov dövlət başçısı Vladimir Putinin Yevgeni Priqojin və "Vaqner" komandirləri ilə görüşündə hansı razılaşmaların əldə edildiyini açıqlamaqdan imtina edib.
Redaktor.az xəbər verir ki, bu barədə TASS məlumat yayıb.
“Xeyr, biz bu görüşlə bağlı vermək mümkün olan məlumatları vermişik. Biz onu da dedik ki, bu görüşün əlavə təfərrüatları açıqlanmır”, - Kreml sözçüsü bildirib.
Xatırladaq ki, iyunun 29-da Putin Kremldə Yevgeni Priqojin və "Vaqner" komandirləri ilə təxminən üç saat danışıb. Peskovun dediyi kimi, bu görüşdə prezident xüsusi hərbi əməliyyat zamanı şirkətin “cəbhədəki hərəkətlərinə” və “24 iyun hadisələrinə verdiyi qiymətə” qiymət verib. O, həmçinin "Vaqner" komandirlərinin izahatlarını dinləyib və onlara əlavə iş variantları təklif edib.
Turan İSMAYIL
Bizi Telegram-da izləyin...
