Britaniyanın müdafiə naziri "nankor" qalmaqalı ilə bağlı açıqlama yaydı
Böyük Britaniyanın müdafiə naziri Ben Uolles Ukraynanın “nankorluğu” ilə bağlı qalmaqallı açıqlamasına münasibət bildirib.
Redaktor.az UNİAN-a istinadla xəbər verir ki, nazir sözlərinin qismən təhrif edildiyini deyib.
"Mən Ukraynanın bəzən etiraf etməsinin zəruriliyindən danışdım ki, bir çox ölkələrdə və bəzi parlamentlərdə Böyük Britaniyada olduğu qədər güclü dəstək yoxdur. Bu, hökumətlər haqqında deyil, daha çox vətəndaşlar cə beynəlxalq ictimaiyyətdə deputatlar haqqında bir şərh idi"Ş - deyə o, feysbukda yazıb.
Uolles əlavə edib ki, Britaniya hakimiyyətinin bəxti gətirib ki, əhali və parlamentdəki bütün partiyalar Ukraynaya yardım göstərmək səylərini dəstəkləyir:
"Mənim şərhlərim özümüzlə danışmamağın, lakin hələ də inandırılmalı olan digər vətəndaşlarla əlaqə saxlamaq üçün səy göstərməyin vacibliyini əks etdirməyə çalışdı".
Uolles yazır ki, "Amazon" haqqında şərhlər keçən il Britaniyanın Ukrayna ilə münasibətlərinin “sövdələşmə” deyil, “tərəfdaşlıq” olduğunu vurğulamaq üçün edilib.
Nazir əmin edib ki, o, şəxsən Ukraynanı “sona qədər, nə qədər lazımdırsa” dəstəkləməyə davam edəcək. Onun sözlərinə görə, “Ukrayna və Böyük Britaniya faktlardan və dostluqdan istifadə edərək bu güclü dəstəyi təşviq etməyə davam etməlidir”.
Qeyd edək ki, bir neçə saat ərzində Uollesin yazısının altında ukrayna və ingilis dillərində təşəkkür sözləri ilə yüzlərlə şərh yazılıb.
Xatırladaq ki, iyulun 12-də Böyük Britaniyanın müdafiə naziri Ukrayna hakimiyyətini göstərilən yardıma görə Qərbə bir qədər minnətdarlıq etməyə çağırıb. Nazir Ukrayna prezidenti Volodimir Zelenskinin NATO ilə bağlı kəskin bəyanatını şərh edərkən deyib ki, Britaniya “Amazon deyil”.
Lakin Zelenskinin özü bu açıqlamadan təəccüblənib və vurğulayıb ki, Ukrayna yardımlarına görə tərəfdaşlarına həmişə minnətdardır. Eyni zamanda, Ukraynanın xarici işlər naziri Dmitri Kuleba bildirib ki, Böyük Britaniyanın müdafiə naziri Ben Uollesin ukraynalıların göstərilən yardıma görə təşəkkür etməməsi ilə bağlı açıqlaması təəssüf doğuran anlaşılmazlıqdır.
Turan İSMAYIL
Bizi Telegram-da izləyin...
