Krım körpüsünü Ukrayna qüvvələri partladıb - AÇIQLAMA
Ukrayna Təhlükəsizlik Xidməti Ukraynanın Rusiyaya qarşı müharibədə qələbəsindən sonra Krım körpüsünə hücumun bütün təfərrüatlarını açıqlayacaqlarını bildirib.
Redaktor.az xəbər verir ki, bu barədə Ukrayna Təhlükəsizlik Xidmətinin sözçüsü Artem Dextyarenko RBC-Ukrayna-ya şərhində bildirib.
O, qeyd edib ki, Təhlükəsizlik Xidməti Ukraynanın qələbəsindən sonra Krım körpüsündə “bavovnya”nın təşkili ilə bağlı bütün təfərrüatları mütləq açıqlayacaq.
“Hələlik biz Putin rejiminin simvollarından birinin növbəti dəfə hərbi yükə necə tab gətirmədiyini maraqla izləyirik”, - Dextyarenko bildirib.
O, həmçinin xatırladıb ki, xüsusi xidmət orqanının rəhbəri Vasili Malyuk müsahibələrinin birində bəyan edib ki, beynəlxalq hüquq normaları, əməliyyat şəraitinin təhlili və döyüş ənənələri düşmənin maddi-texniki yollarını kəsməyə imkan verir.
Eyni zamanda, Krım körpüsü Rusiya qoşunları üçün hərbi təchizat üçün nəqliyyat dəhlizlərindən biridir.
Xatırladaq ki, bu gecə Krım körpüsündə partlayış səsləri eşidilib. Əvvəllər körpünün Taman istiqamətində bir aşırımı dağıdılıb, Kerç istiqamətindəki digər hissəsi zədələnib. Avtomobil və dəmir yolu xətləri bağlanıb.
RBC-Ukrayna-nın mənbələri Krım körpüsünə hücumun Ukrayna Təhlükəsizlik Xidməti və Ukrayna Silahlı Qüvvələrinin Hərbi Dəniz Qüvvələrinin xüsusi əməliyyatı olduğunu bildirib.
Bu arada Rusiya körpünün Ukraynaya məxsus iki pilotsuz təyyarənin hücumuna məruz qaldığını bildirib. Onlar hadisəni terror aktı adlandırıblar.
Turan İSMAYIL
Bizi Telegram-da izləyin...
