Macarıstan prezidentindən vacib çağırış
Macarıstan prezidenti Katalin Novak Rusiyanın taxıl sazişindən çıxmasından narahatlığını bildirib.
Redaktor.az xəbər verir ki, o, bu sazişin tərəflərini kənd təsərrüfatı məhsullarını dünyanın ən yoxsul ölkələrinə çatdırmaq yollarını tapmağa çağırıb.
"Rusiyanın Qara Dəniz Taxıl Təşəbbüsündən birtərəfli qaydada çıxması ciddi narahatlıq doğurur. Xatırladaq ki, Ukraynadakı müharibə nəinki insan həyatına son qoyur və dağıntılara səbəb olur, həm də bütün dünyaya təsir edir, bu halda ən həssas təbəqələrə təsir edir və ərzaq təminatının təhlükəsizliyini təhlükə altına qoyur”, - dövlət başçısı tviterdə yazıb.
Novak qeyd edib ki, Afrikada taxıl müqaviləsinə xitam verilməsinin mənfi nəticələri ən güclü şəkildə hiss olunur.
"Tərəflər diplomatik vasitələrlə ərzaq tədarükünün təhlükəsizliyini təmin etmək üçün həll yolu tapmalıdırlar. Bundan əlavə, Ukraynadakı döyüşlər mümkün qədər tez dayandırılmalıdır", - deyə Macarıstan prezidenti vurğulayıb.
Turan İSMAYIL
Bizi Telegram-da izləyin...
