Rusiyada hərbi komissarlığın binasına od vuruldu
Rusiyanın Novosibirsk vilayətinin Berdsk şəhərində naməlum şəxs hərbi komissarlığın binasını yandırıb.
Redaktor.az "news.ru"ya istinadla xəbər verir ki, ölən və yaralananlar olmayıb. Polis hadisə yerindən qaçan diversantı axtarır.
Hadisə ötən gecə baş verib. Cinayətkar hərbi komissarlığın qapısına yanar maye tökərək od vurub və naməlum istiqamətə qaçıb. Bir neçə dəqiqədən sonra alov öz-özünə sönüb. Hadisə yerinə gələn polis əməkdaşları içərisində alışan maye qalıqları olan beş litrlik plastik butulka və qara rəngli çanta aşkar ediblər.
Məlumata görə, faktla bağlı onların xuliqanlıq niyyəti ilə əmlaka qəsdən zərər vurma maddəsi ilə cinayət işi başlanıb.
Turan İSMAYIL
Bizi Telegram-da izləyin...
