İraq hökuməti İsveçin məşhur şirkətini də ölkədən qovdu
İraq hakimiyyəti bu gün İsveçin telekommunikasiya şirkəti Ericsson Telecom-un ölkədəki fəaliyyətini dayandırdığını elan edib.
Redaktor.az TASS-a istinadla xəbər verir ki, bu barədə İraqın Kütləvi İnformasiya Vasitələri və Kommunikasiyalar Komissiyasının xüsusi bəyanatında deyilir.
Qeyd edilir ki, “komissiya rəhbəri Ericsson Telecom-un İraqdakı lisenziyasının dayandırılması barədə göstəriş verib”. Bu qərarın səbəbi, sənəddə qeyd edilir ki, “İsveç hökumətinin müqəddəs Quranı və İraqın dövlət bayrağını yandırmağa icazə verməsidir”.
İraq hökuməti həmçinin İsveçin Bağdaddakı səfirini ölkədən çıxarmaq və Respublikanın Stokholmdakı müvəqqəti işlər vəkilini geri çağırmaq qərarına gəlib. İraqın baş naziri Məhəmməd əl-Sudaninin ölkənin Xarici İşlər Nazirliyinə göndərdiyi sərəncamda qeyd olunur ki, hökumət İsveç səfirindən “İraq ərazisini tərk etməsini” tələb edir. Əl-Sudaninin məktubuna görə, belə bir tədbir “İsveç hökumətinin müqəddəs Qurani-Kərimi yandırmaq, İslam ziyarətgahlarına qarşı təhqirləri ifadə etmək və İraqın milli bayrağını yandırmaq üçün dəfələrlə icazə almasına cavab olaraq” qəbul edilib.
Turan İSMAYIL
Bizi Telegram-da izləyin...
