Tehran Bakı və İrəvanın iştirakı ilə “3+3” formatında görüş keçirməyə hazırdır - Nazir
"Cənubi Qafqaz regionu İran üçün böyük əhəmiyyət kəsb edir".
Redaktor.az İRNA-ya istinadla xəbər verir ki, İranın xarici işlər naziri Hüseyn Əmir Abdullahian bazar ertəsi Ermənistanın xarici işlər naziri Ararat Mirzoyanla birgə mətbuat konfransı zamanı deyib.
"İran region ölkələri arasında yaxınlaşmanı və Ermənistanla Azərbaycan Respublikası arasında sülh danışıqlarında irəliləyişi alqışlayır", - nazir bildirib.
“İran Qafqaz regionunda sülhün bərqərar olmasına yönəlib”, - deyən Abdullahian əlavə edib ki, onun Azərbaycan Prezidenti İlham Əliyevlə son görüşü, son aylarda Ermənistanın baş naziri ilə görüşü və Ermənistanın xarici işlər naziri ilə bugünkü görüşü İranın regionda davamlı sülh və təhlükəsizliyin yaradılması istiqamətində gördüyü tədbirlər kimi qiymətləndirilə bilər.
Onun sözlərinə görə, Tehran qonşular arasında sülh və təhlükəsizliyin region ölkələrinin ümumi maraqlarına cavab verdiyinə inanır.
“Qafqaz regionu çəkişmə və hakimiyyət uğrunda rəqabət meydanına çevrilməməlidir, çünki bu, regionda sülhü ləngidir”, - o qeyd edib və əlavə edib ki, davamlı sülh hökumətlər və xalqlar arasında mehriban və axıcı dil tələb edir.
Bəzi xarici tərəflərin Qafqaz regionunda bəzi fikir ayrılıqlarından sui-istifadə etməyə çalışdıqlarını bildirən iranlı nazir deyib: “Biz region ölkələri arasında “üç üstəgəl üç” formatını alqışlayırıq və İran Ermənistan və Azərbaycanın da daxil olacağı bu görüşü keçirməyə hazır olduğunu bəyan edir”.
Turan İSMAYIL
Bizi Telegram-da izləyin...
