ABŞ "Vaqner"ə görə bu ölkənin müdafiə nazirinə qarşı sanksiyalar tətbiq etdi
Birləşmiş Ştatlar Malinin müdafiə naziri və digər iki hərbi liderinə "Vaqner" özəl hərbi şirkəti ilə qarşılıqlı əlaqəyə görə sanksiya tətbiq edib.
Redaktor.az xəbər verir ki, bu barədə ABŞ dövlət katibi Entoni Blinkenin bu gün yaydığı yazılı bəyanatda deyilir.
Qeyd olunur ki, Amerikanın qara siyahısına Malinin müdafiə və veteranlarla iş üzrə naziri Sadio Kamara, həmçinin bu Afrika ölkəsinin Hərbi Hava Qüvvələrinin Baş Qərargah rəisi və onun müavini də daxildir. Onların hamısı "2021-ci ilin dekabr ayından "Vaqner" ilə yaxından işləməkdə, onun Malidəki mövcudluğunu asanlaşdırmaqda və genişləndirməkdə ittiham olunur. Əvvəllər ABŞ "vaqner"ə Afrika və Ukraynadakı fəaliyyətlərinə görə sanksiyalar tətbiq etmişdi.
Sanksiya siyahısına daxil edilməsi ABŞ-dakı aktivlərin dondurulması və Amerika vətəndaşlarının və şirkətlərinin onun müttəhimləri ilə iş aparmasının qadağan edilməsi deməkdir.
Turan İSMAYIL
Bizi Telegram-da izləyin...
