Krım körpüsünə hücumlar davam edəcək - Ukraynanın müdafiə naziri
Ukraynanın müdafiə naziri Aleksey Reznikov Krım körpüsünə yenidən zərbələr endiriləcəyini bildirib.
Redaktor.az-ın məlumatına görə, nazir bu barədə CNN telekanalının efirində Krım körpüsünün sıradan çıxarılması ilə bağlı suala cavabında deyib.
“Düşməni daha çox sursat, yanacaq, ərzaq və başqa təchizatlardan məhrum etmək üçün onun logistik xətlərini dağıtmaq normal taktikadır. Buna görə də həmin taktikadan istifadəni davam etdirəcəyik”, - deyə Reznikov qeyd edib.
Bir müddət öncə Ukrayna Prezidenti Volodimir Zelenski Krım körpüsünü neytrallaşmalı olan hədəf adlandırmışdı.
Xatırladaq ki, iyulun 17-nə keçən gecə Ukraynaya məxsus suüstü pilotsuz aparatlar Krım körpüsünə hücum edib. Hadisə nəticəsində iki nəfər həlak olub, bir nəfər isə xəsarət alıb. Körpüdə avtomobillərin hərəkəti dayanıb.
Bizi Telegram-da izləyin...
