"Onların qərarlarının qanunvericiliklə, mənəviyyatla heç bir əlaqəsi yoxdur" - Paşinyan hakimlərə qarşı
"İndi siz məni məhkəmələrin bağlı qapıları arxasında hiyləgərlikdə yox, açıq şəkildə nəsə etməkdə ittiham edirsiniz? Bəli, biz məhkəmələrin qarşısını aldıq, amma bunu açıq şəkildə etdik".
Redaktor.az "news.am"a istinadla xəbər verir ki, bunu iyulun 25-də keçirilən mətbuat konfransında Ermənistanın Baş naziri Nikol Paşinyan icra hakimiyyətinin niyə məhkəmə sisteminə təzyiq göstərməsi ilə bağlı sualı cavablandırarkən deyib.
“Məhkəmə sisteminin müstəqilliyi üçün hökumət hakimlərin maaşlarını artırır ki, hakimlərin sosial müdafiəsi daha yüksək səviyyədə olsun. Mətbuat konfransının birində jurnalist yoxlamanın niyə aparılmadığını, bu korrupsioner hakimlərin niyə hələ də öz yerlərində olduğunu deyir, digəri isə Avropa Hakimlər Təşkilatının hakimlərə təzyiqlər edilməsi ilə bağlı bəyanatına istinad edir. Məndən nə gözləyirsən? Bəli, Ermənistanda elə hakimlər var ki, onlar hökmlə deyil, sifarişlə ədalət mühakiməsini həyata keçirirlər. Elə hakimlər var ki, istənilən qərarı verə bilərlər, mən bu beş il ərzində əmin oldum: heç bir məhdudiyyəti olmayan hakimlər var. Onların qərarlarının qanunvericiliklə, mənəviyyatla heç bir əlaqəsi yoxdur. Bu adamlar hakim ola bilməz”, - Paşinyan bildirib.
Mətbuat konfransında jurnalistin "Müxalifətçi Nikol Paşinyan hazırkı hakimiyyətin məhkəmə sisteminə təzyiqlərini necə qiymətləndirəcək" sualına Paşinyan belə cavab verib:
“Müxalifətçi Nikol Paşinyanı buraxaq, mən indi müxalifətçi Nikol Paşinyan deyiləm. Mən hələ də bəyan edirəm ki, bizim məhkəmə sistemində müstəqillik problemi var, bundan kimin xəbəri yoxdur? Biz bu problemləri həll etməliyik”.
Turan İSMAYIL
Bizi Telegram-da izləyin...
