ABŞ hər zaman Ukrayna üçün kifayət qədər silaha sahib olacaq - Pentaqon rəsmisi
ABŞ həm ordusunu dəstəkləmək, həm də Rusiya təcavüzünə qarşı mübarizə aparan Ukraynaya hərbi yardım göstərmək üçün kifayət qədər silaha malikdir.
Redaktor.az "RBC-Ukrayna"ya istinadla xəbər verir ki, bunu keçirdiyi brifinqdə ABŞ Müdafiə Nazirliyinin (Pentaqon) sözçünün müavini Sabrina Sinq bildirib.
O qeyd edib ki, Ukraynaya hər bir yardım paketi kollektiv şəkildə formalaşır.
“Biz görüşlər keçiririk ki, orada xidmətlərimiz özlərində olanlarla bağlı fikirlərini ifadə edə bilsinlər, sonra, əlbəttə ki, katib və başçı prezidentlə, Ağ Evlə Ukraynaya nə təmin etməli olduğumuz barədə danışırlar”.
Sinq vurğulayıb ki, ABŞ həmişə öz müdafiə səviyyəsini qoruyub saxlayacaq və eyni zamanda Ukraynanı dəstəkləyə biləcək.
"Və bilirsiniz ki, prezidentin və dövlət katibinin davamlı olaraq təkrar etdiyi şeylərdən biri də odur ki, biz uzun müddətə Ukraynanın yanındayıq. Ona görə də biz öz imkanlarımızdan aşağı düşmədən onlara nə verə biləcəyimizi qiymətləndirməyə davam edəcəyik", - deyə o əlavə edib.
Qeyd edək ki, ABŞ Rusiyaya qarşı mübarizədə Ukraynanın ən böyük müttəfiqidir. Elə dünən ABŞ Ukraynaya daha 400 milyon dollarlıq hərbi dəstək paketi ayırıb. Buraya, xüsusən, "Patriot" və NASAMS hava hücumundan müdafiə sistemləri üçün döyüş sursatları, mərmilər, "Black Hornet" mini-dronları və s. daxildir.
Turan İSMAYIL
Bizi Telegram-da izləyin...
