İstanbulda meşədə yanğın başlayıb
Türkiyənin İstanbul şəhərinin Beykoz rayonunda meşə yanğını baş verib.
Redaktor.az xəbər verir ki, bu barədə iyulun 26-da DHA agentliyi məlumat yayıb.
“Beykoz rayonunda naməlum səbəbdən meşə yanğını baş verib. Yanğınsöndürənlər dərhal yanğını söndürməyə başlayıblar”, - deyə məlumatda bildirilir.
Yanğın yerli vaxtla təxminən 15:00-da başlayıb. Hadisə yerinə yanğınsöndürən helikopter də cəlb olunub.
Xatırladaq ki, Türkiyənin müxtəlif bölgələrində isti havanın səbəb olduğu meşə yanğınları davam edir. Belə ki, iyulun 26-da ölkənin cənubundakı Kəmər kurort şəhəri ərazisində yanğının 36 saatdan çox davam etdiyi bildirilib. Güclü küləyin təsirindən alov sürətlə yayılır.
Turan İSMAYIL
Bizi Telegram-da izləyin...
