Ağ Evdən Taqanroqun atəşə tutulmasına REAKSİYA
ABŞ Ukraynanı Rusiya ərazisinə zərbə endirməyə təşviq etmir.
Redaktor.az TASS-a istinadla xəbər verir ki, bunu Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi Ukrayna Silahlı Qüvvələrinin Rusiyanın Taqanroq şəhərini atəşə tutmasını şərh edərkən bildirib.
"Biz çox açıq şəkildə bildirdik ki, biz Rusiya daxilində zərbələri təşviq etmirik və ya asanlaşdırmırıq", - o, deyib.
Qeyd edək ki, bu gün Rusiya Müdafiə Nazirliyi bildirib ki, Ukrayna ordusu S-200 zenit raketi ilə Rastov vilayətinə hücum edib və şəhər səmasında vurulub. Nəticədə 10-dan çox insanın yaralandığı bildirilir.
Daha sonra Müdafiə Nazirliyinin məlumatına görə, Ukrayna qoşunları ikinci hücuma keçib, lakin raket Azov şəhəri yaxınlığında ələ keçirilib.
Rusiya Xarici İşlər Nazirliyi bəyanat yayıb ki, Rusiya Federasiyası Moskva vilayətinə və Taqanroqa zərbələrə sərt cavab vermək hüququnu özündə saxlayır.
Bundan əvvəl Ryazan vilayətində aerodrom hücuma məruz qalıb.
Turan İSMAYIL
Bizi Telegram-da izləyin...
