Güclü qasırğa Yaponiyada həyatı iflic etdi
"Hanun" qasırğası Yaponiyanın cənub-qərbini vurub, 34 nəfər xəsarət alıb, 3 nəfər ağır xəsarət alıb.
Redaktor.az xəbər verir ki, AP-nin məlumatına görə, Okinava adasında 200 minə yaxın ev işıqsız qalıb, çoxlu evlər dağılıb. Yerli hakimiyyət orqanları sakinləri evdə qalmağa və pəncərələrdən uzaq durmağa çağırıb.
Okinava və digər adalarda tayfun səbəbindən bərələr də daxil olmaqla, ictimai nəqliyyatın hərəkəti dayandırılıb. Naha hava limanında yüzlərlə beynəlxalq və daxili reys təxirə salınıb.
“Hanun” 15 km/saat sürətlə hərəkət edərək sürəti 162 km/saata çatan güclü küləklərə səbəb olub.
Yaponiya Meteorologiya Agentliyinin məlumatına görə, "Hanun" Şərqi Çin dənizinə doğru gedir. Çinin Zhenjiang şəhəri və Fujian əyalətindən keçərək cümə gününə qədər Tayvanın şimalına çatacağı gözlənilir. Onun da kursunu dəyişərək Yaponiyanın Kyuşu adasına qayıda biləcəyi qeyd olunur.
Yaponiyada tayfundan sonra güclü yağışın yağacağı gözlənilir. Beləliklə, cümə axşamı günorta saatlarına qədər Okinava prefekturasına 20 sm-ə qədər yağıntı düşə bilər.
Turan İSMAYIL
Bizi Telegram-da izləyin...
