Yaponiya İrandan Rusiyaya silah tədarükünü dayandırmağı xahiş edəcək
Yaponiya İrandan Rusiyaya silah tədarükünü dayandırmasını xahiş etmək niyyətindədir.
Redaktor.az bu barədə "Reuters"ə istinadən xəbər verir.
İranın xarici işlər naziri Əmir Abdullahianın avqustun 6-da Tokioya səfər edəcəyi və orada Yaponiyanın baş naziri Fumio Kişida ilə görüşəcəyi bildirilir.
Görüş zamanı onlar Ukraynadakı müharibədən də danışacaqlar. Xüsusilə Kisida İrandan Rusiyaya Ukraynaya qarşı istifadə olunan silah tədarükünü dayandırmağı xahiş edəcək.
Xatırladaq ki, Rusiya Ukrayna ərazisinə zərbələr endirmək üçün İranın pilotsuz təyyarələrindən istifadə edir. Qərb dəfələrlə bəyan edib ki, Rusiya dronların tədarükü ilə bağlı Tehranla razılaşıb, lakin Moskva və İran bu ittihamları hər cür şəkildə çoxdan rədd ediblər.
İran istehsalı olan dronların Rusiya Federasiyası tərəfindən istifadə edilməsinə dair real sübutlar təqdim etdikdən sonra Tehran mövqeyini dəyişərək, iştirakını etiraf edib.
Britaniya kəşfiyyatı bildirib ki, Rusiya Federasiyası İrandan hava ilə kiçik dron göndərişlərini qəbul etməkdən Xəzər dənizi vasitəsilə İrandan gəmilər vasitəsilə böyük yüklərə keçib.
Bundan başqa, Rusiya İranın köməyi ilə öz ərazisində dron istehsalı zavodu tikir ki, bu da gələcəkdə Ukraynadakı müharibəyə ciddi təsir göstərə bilər.
ABŞ Müdafiə Kəşfiyyat Agentliyinin analitiklərinin fikrincə, yeni zavod Rusiyaya əvvəllər İrandan satın ala biləcəyindən “daha böyük ölçüdə” yeni dron ehtiyatı verəcək.
Turan İSMAYIL
Bizi Telegram-da izləyin...
