Mask Zukerberqlə döyüş üçün əməliyyata hazır olduğunu AÇIQLADI
“Tesla” və “SpaceX” şirkətlərinin rəhbəri İlon Mask bildirib ki, “Meta” şirkətinin rəhbəri Mark Zukerberqlə döyüşdən əvvəl onun belindən əməliyyat olunmalı ola bilər.
Redaktor.az "gazeta.ru"ya istinadla xəbər verir ki, bu barədə o, öz tviter səhifəsində yazıb (sosial şəbəkənin adını dəyişdikdən sonra X adlanır).
“Döyüş başlamazdan əvvəl əməliyyata ehtiyacım ola bilər. Bunu bu həftə öyrənəcəyik" - o,deyib.
Maskın sözlərinə görə, yaxın gələcəkdə boyun və onurğanın yuxarı hissəsinin maqnit rezonans tomoqrafiyasından (MRT) keçəcək.
Milyarder bildirib ki, onurğa əməliyyatına ehtiyac olub-olmamasına həkimlər qərar verəcəklər və bu müdaxilə onun "Meta"nın rəhbəri ilə barışmaq əzmini əngəlləyəcək.
Xatırladaq ki, Mask keçmişdə demişdi ki, beşinci və altıncı fəqərələri arasında titan plitəni gücləndirmək üçün əməliyyat lazım ola bilər.
Zukerberq Maska avqustun 26-da döyüşməyi təklif etsə də, dəqiq tarix hələ müəyyən edilməyib. Eyni zamanda, "Tesla"nın rəhbəri həddindən artıq çəkisinə görə məğlub ola biləcəyini etiraf edib.
Mask qeyd edib ki, o, mütəmadi olaraq ofisində qantellərlə çəki məşqləri edir.
Zukerberq isə Braziliya "Ciu-Citsu" ilə məşğuldur.
İki milyarder arasında yaş və çəki kateqoriyasında ciddi fərqlər var: 52 yaşlı Mask 39 yaşlı Zukerberqdən ən azı 30 kq ağırdır. Rəsmi qarışıq döyüş sənəti döyüşlərində idmançıların çəkisi adətən bərabər olur.
Əvvəllər Zukerberq testosteronu süni şəkildə artırmaqda şübhəli bilinirdi.
Turan İSMAYIL
Bizi Telegram-da izləyin...
