"Türkiyənin Derincə limanındakı partlayışda ABŞ izi var" - Deputat
"Türkiyənin Derincə limanında baş verən partlayış Türkiyə və Rusiyanın əleyhdarları, eləcə də onların ikitərəfli münasibətləri üçün faydalı ola bilər".
Redaktor.az xəbər verir ki, bunu Rusiya Dövlət Dumasının Təhlükəsizlik Komitəsinin üzvü, deputat Əbdülhəkim Hacıyev NEWS.ru-ya müsahibəsində deyib. Onun fikrincə, təxribatı ABŞ-ın rəhbərlik etdiyi kollektiv Qərb həyata keçirə bilər. O vurğulayıb ki, Türkiyə hakimiyyəti istintaqı yekunlaşdırmasa da, uzağa gedən nəticələr çıxarmaq çətindir, lakin təxribat variantını da istisna etmək olmaz.
"Limandakı partlayışı Rusiya ilə Türkiyə arasında təmasda maraqlı olmayan qüvvələr təşkil edə bilərdi. Limandakı təxribat, əgər varsa, Türkiyəyə, Rusiyaya qarşı, ikitərəfli münasibətlərə qarşı yönəlib. Ankara ilə Moskva arasında münasibətlərin pozulması kimə sərf edir, düşünürəm ki, hamı başa düşür ki, bu, ABŞ-dan idarə olunan kollektiv Qərbdir”, - Hacıyev bildirib.
O qeyd edib ki, hadisə nəticəsində 15 min tona yaxın taxıl məhv olub. Onun fikrincə, bazar miqyasında bu rəqəm cüzidir, lakin baş verənlərin özü Türkiyənin ticarət-iqtisadi tərəfdaş kimi etibarlılığını şübhə altına alır.
Qeyd edək ki, bundan əvvəl Ankara Türkiyənin qərbindəki Kocaeli vilayətinin Derincə limanında liftlərdə baş verən partlayışın səbəbinin təxribat ola biləcəyini istisna etməyib. Türkiyə Taxıl Şurasının rəhbəri Əhməd Güldal qeyd edib ki, limanda baş verən partlayışın səbəbi ilə bağlı hələlik yekun nəticə yoxdur, ekspertlər hadisə ilə bağlı müşahidə kameralarının görüntülərini və digər məlumatları öyrənirlər.
Xatırladaq ki, avqustun 7-də Türkiyənin Derincə limanı yaxınlığında güclü partlayış baş verib. Şəhər hakimiyyətinin məlumatına görə, partlayış nəticəsində azı 13 nəfər xəsarət alıb, yerli sakinlərin evlərinin şüşələri sındırılıb. Partlayışın dəqiq səbəbləri məlum deyil, lakin bunun gəmilərin boşaldılması zamanı taxıl asmasının partlaması nəticəsində baş verdiyi ehtimal edilir. Öz növbəsində şəhərin meri Zeki Aygün hesab edir ki, bu, liman işçilərinin təhlükəsizlik məsələlərinə səhlənkar yanaşması nəticəsində baş verib.
Turan İSMAYIL
Bizi Telegram-da izləyin...
