Hindistanda 167 milyon illik dinozavr qalığı TAPILDI
Hindistan Rurkee Texnologiya İnstitutunun və Hindistanın Geoloji Xidmətinin alimləri ölkənin qərbində 167 milyon il yaşamış ot yeyən dinozavrların qalıqlarını aşkar ediblər.
Redaktor.az “TASS”a istinadən xəbər verir ki, bu barədə “Press Trust of India” agentliyi məlumat yayıb.
Racastan ştatının Caysalmer şəhəri yaxınlığındakı Thar səhrasında dörd ildən artıqdır ki, qazıntılar aparılır. Tapılan fosillər dikreozavr dinozavrına aiddir. Paleontoloqlar qədim heyvanın onurğasının bir hissəsini, boyun və gövdə sümüklərini, quyruq və qabırğalarını çıxara bildilər.
Hindistan alimləri iddia edirlər ki, söhbət dikreozavrların yeni növünün kəşfindən gedir. Onlar ona “Tharosaurus indicus” adını veriblər.
Dikreozavrlar ailəsinin dinozavrları Yura dövrünün orta epoxasında yaşayırdılar. Onlar uzun boyun və quyruq və kiçik bir baş, eləcə də müasir fillərin ayaqlarına bənzər kütləvi əzaları ilə fərqlənirdilər. Bu tip qədim kərtənkələlərin qalıqları ilk dəfə Hindistanda tapılıb.
Yusif EYVAZLI
Bizi Telegram-da izləyin...
