Almaniya Polşada "Patriot" sistemləri yerləşdirəcək
Almaniya Polşa tərəfinə üç "Patriot" raketdən müdafiə sisteminin respublikada yerləşdirilməsinin müddətini yalnız 2023-cü ilin sonuna qədər uzatmaq niyyətinin təsdiqini göndərib.
Redaktor.az TASS-a istinadla xəbər verir ki, bu barədə Polşa Müdafiə Nazirliyi məlumat verib.
"Müdafiə Nazirliyi Almaniya tərəfdən Alman "Patriot" batareyalarının 2023-cü ilin sonuna kimi Polşada yerləşdirilməsinə dair təsdiqi alıb", - nazirliyin bəyanatında deyilir.
Xatırladaq ki, “Patriot”la bağlı qərarı avqustun 8-də Almaniya Müdafiə Nazirliyinə istinadən “Reuters” agentliyi yayıb. Agentliyin məlumatına görə, 2023-cü ilin sonundan sonra uzadılması nəzərdə tutulmur, çünki bu sistemlərin 2024-cü ildə NATO-nun çevik reaksiya qüvvələrinə qoşulması planlaşdırılır.
Polşanın müdafiə naziri Mariuş Blaşçak iyulun 3-də bildirib ki, Almaniyanın bu ilin əvvəlində Polşaya verdiyi Amerika Patriot raketdən müdafiə sistemləri ən azı ilin sonuna qədər Polşa ərazisində qalacaq.
Ötən il noyabrın 15-də Polşanın şərqində, Ukrayna ilə sərhəddə yerləşən Prjevodov kəndində raket atılıb, iki nəfər həlak olub. Polşa prezidenti Anjey Duda bildirib ki, respublikanın səlahiyyətli orqanlarına görə, sursat Ukrayna hava hücumundan müdafiə qüvvələrinə məxsusdur. Varşavada hadisə qəza kimi qiymətləndirilir. ABŞ Dövlət Departamenti bildirib ki, ABŞ administrasiyası Polşa hakimiyyətinin gəldiyi nəticələrin düzgünlüyünə tam əmindir. Rusiya Müdafiə Nazirliyinin məlumatına görə, raket Ukraynanın S-300 hava hücumundan müdafiə sistemindən atılıb.
Bu hadisədən sonra Almaniya Müdafiə Nazirliyi Polşaya təhlükəsizlik dəstəyi təklif edib, o cümlədən "Patriot" batareyalarının köməyi ilə Varşava buna müsbət cavab verdi. Yanvarda Polşada 12 buraxılış qurğusunun yerləşdirilməsi və onlara xidmət etmək üçün bir neçə yüz alman hərbçisinin yerləşdirilməsi barədə məlumat verilmişdi.
Turan İSMAYIL
Bizi Telegram-da izləyin...
