Ruslar Zaporojye vilayətinə hücum etdilər: iki ölü, 21 yaralı
Rus işğalçılarının hücumları Ukraynanın Zaporojye vilayətində 66 yaşlı qadının və Preobrajenkada 70 yaşlı qadının həyatına son qoyub, 18-85 yaş arası 21 nəfər yaralanıb.
Redaktor.az UNİAN-a istinadla xəbər verir ki, bu barədə yerli hərbi administrasiyanın açıqlamasında deyilir.
"Region mərkəzində terrorçuların hücumu zamanı yaralananlar arasında 4 uşaq var - 3, 6, 10 və 14 yaşlı. Bundan başqa, 71 yaşlı Preobrajenka sakini və 85 yaşlı Malaya Tokmaçka yaralanıb”, - deyə məlumat verilib.
Qeyd olunub ki, Rusiya Federasiyasının hərbçiləri gün ərzində rayonun 23 yaşayış məntəqəsinə 92 zərbə endirib. Yaşayış binalarının, yardımçı tikililərin, habelə sosial infrastruktur obyektlərinin dağıdılması ilə bağlı 51 məlumat daxil olub.
Avqustun 10-da rus işğalçı qoşunları növbəti dəfə Zaporojyeni atəşə tutdular. Polisin məlumatına görə, işğalçılar “İskəndər-K” raketi ilə zərbələr endiriblər. Hücum nəticəsində avtomobillər alovlanıb, partlayış dalğası və dağıntılar mülki infrastruktur obyektini qismən məhv edib. Daha sonra məlum olub ki, zərbə nəticəsində 1 nəfər ölüb, 16 nəfər yaralanıb.
Avqustun 9-da isə rus işğalçılarının Zaporojyeyə endirdiyi zərbə nəticəsində 11 aylıq uşaq da daxil olmaqla 3 nəfər ölüb, 9 nəfər yaralanıb. Xüsusilə də hücumun qurbanları 43 yaşlı kişi və 19 və 21 yaşlı qızlar olub.
Turan İSMAYIL
Bizi Telegram-da izləyin...
