Ukrayna ordusu Mariupolda rusların komanda məntəqəsini darmadağın ETDİ
Bu gün ukraynalı müdafiəçilər Mariupol yaxınlığında rus işğalçılarının komanda məntəqəsinə zərbələr endiriblər.
Redaktor.az “Ukrinform”a istinadla xəbər verir ki, bu barədə Telegram-da Ukrayna Silahlı Qüvvələrinin Strateji Rabitə İdarəsi məlumat yayıb.
“Bu gün saat 11:00 radələrində Ukrayna Müdafiə Qüvvələri müvəqqəti işğal olunmuş Mariupol yaxınlığındakı Yuryevka kəndindəki “Volna” sanatoriyasında yerləşən Rusiya Federasiyası qoşunlarının komanda məntəqəsini məğlubiyyətə uğradıb" - idarədən bildirilib.
Daha əvvəl Mariupol şəhər merinin müşaviri Petr Andryuşşenko məlumat vermişdi ki, Mariupol yaxınlığında müvəqqəti ələ keçirilən Yuryevka kəndində kazarmada 100-dən çox rus əsgəri yaralanıb. Onun sözlərinə görə, ilk zərbə işğalçıların təmir bazası yaratdıqları "Volna" ("Dalğa") düşərgəsindəki stadionun ərazisinə düşüb. İkinci zərbə birbaşa kazarmada olub.
Merin müşaviri qeyd edib ki, yaralı işğalçılar Mariupolda, Manquş kəndində, həmçinin Donetskdə xəstəxanalara çatdırılıb.
Turan İSMAYIL
Bizi Telegram-da izləyin...
