Britaniyada 100 mindən çox uşaq yoxsulluq həddinin altındadır
Böyük Britaniyada ən azı 120 min uşaq yoxsulluq həddinin altında yaşayır və onların əsas ehtiyacları ödənilə bilmir.
Redaktor.az TASS-a istinadla xəbər verir ki, bu barədə Britaniyanın "Buttle UK" xeyriyyə təşkilatı məlumat yayıb.
Bildirilib ki, bu təşkilat tərəfindən yardım edilən 200 min uşağın 60%-i yoxsulluq içində yaşayır. Bu göstərici ötən illə müqayisədə 15% çoxdur. "Buttle UK" İngiltərədəki ailələrin 57%-i qida ehtiyaclarını ödəyə bilmir, 58%-i elektrik enerjisi üçün pul ödəyə bilmir, 63%-i isə əsas mebel və məişət avadanlıqlarından məhrumdur.
Yoxsulluq həddində yaşayan uşaqların 64%-nin məişət zorakılığına məruz qaldığı, 55%-nin isə baxımsız qaldığı qeyd edilir.
"Buttle UK"un hesabatında deyilir ki, daha çox uşağı yoxsulluğa sövq edən koronavirus pandemiyasının fəlakətli təsiri və yaşayış dəyəri böhranıdır.
Turan İSMAYIL
Bizi Telegram-da izləyin...
