Qırğızıstan və Qazaxıstan sərhədində böyük tıxac yaranıb
Qırğızıstan ərazisindən Qazaxıstana “Ak-Tilek-avtomobil yolu” keçid məntəqəsinin çıxışında 400-ə yaxın avtomobil tıxacda qalıb.
Redaktor.az TASS-a istinadla xəbər verir ki, bu barədə Qırğızıstan Milli Təhlükəsizlik Dövlət Komitəsinin Sərhəd Xidməti məlumat yayıb.
"2023-cü il avqustun 21-də "Ak-Tilek-avtomobil yolu" keçid məntəqəsinin qarşısında yük avtomobillərinin yığılması qeydə alınıb. Saat 18:30-a olan məlumata görə, Qırğızıstan Respublikasını tərk etmək üçün dövlət sərhədini keçmək üçün növbədə 370-ə yaxın avtomobil var”, - deyə xidmətin Telegram kanalının mesajında bildirilir.
Mətbuat xidməti əlavə edib ki, səhər saat 9-dan axşam saat 6-ya kimi cəmi üç avtomobil sərhədi keçib. "Qırğızıstan Respublikasının Çuy bölməsində sərhəd nümayəndələri nəqliyyat vasitələrinin ləng keçməsinin səbəbləri ilə bağlı Qazaxıstan nümayəndələri ilə görüş keçirmək məsələsinə baxır", - nazirlikdən bildiriblər.
Turan İSMAYIL
Bizi Telegram-da izləyin...
