Əfqanıstanın paytaxtında partlayış oldu
Əfqanıstanın paytaxtı Kabildə partlayış baş verib.
Redaktor.az xəbər verir ki, bu barədə "Aamaj News" məlumat yayıb.
Partlayış şəhərin mərkəzində baş verib. Cihaz avtomobilə yerləşdirilib. Mümkün qurbanlar barədə hələlik məlumat yoxdur.
Əl-Ərəbiyyə telekanalı öz mənbələrinə istinadən xəbər verir ki, bundan əvvəl bir sıra ərəb və Qərb ölkələrinin səlahiyyətliləri Kabildəki səfirliklərini bağlamaq qərarına gəliblər.
Onların fikrincə, bu qərara səbəb “təhlükəsizlik sahəsində təhdidlər” olub.
Əl-Ərəbiyyə mənbələri hansı dövlətlərin Əfqanıstanın paytaxtında diplomatik nümayəndəliklərinin işini dayandırmaq qərarına gəldiyini açıqlamayıb.
Bundan əvvəl Əfqanıstanın “Hasht e Subh” qəzeti mənbəyə istinadən Səudiyyə Ərəbistanı səfirliyinin əməkdaşlarının Əfqanıstanı tərk edərək krallığa qayıtdığını yazıb.
BMT-nin Əfqanıstan üzrə xüsusi nümayəndəsinin müavini Markus Potzel bildirib ki, Qərbin respublikada, o cümlədən terrorizm və narkotiklərin qanunsuz dövriyyəsi ilə mübarizədə maraqları var.
Turan İSMAYIL
Bizi Telegram-da izləyin...
