ABŞ Belarusdakı vətəndaşlarına çağırış etdi
ABŞ Belarusdakı vətəndaşlarına dərhal ölkəni tərk etmələri barədə çağırış edib.
Redaktor.az xarici KİV-ə istinadən xəbər verir ki, bu barədə ABŞ-nin Minskdəki səfirliyi açıqlama yayıb.
ABŞ-nin Minskdəki səfirliyindən verilən yazılı açıqlamada Litvanın Belarusla bəzi sərhəd qapılarını bağlamağa qərar verdiyi xatırladılıb.
Belarusla qonşu olan digər Avropa ölkələrinin də oxşar qərarlar ala biləcəyinə diqqət çəkən açıqlamada, “Polşa, Litva və Latviya hökumətləri Belarusla daha çox sərhəd keçidinin bağlanmasının mümkün olduğunu bildirdilər. Belarusdakı ABŞ vətəndaşları dərhal ölkəni tərk etməlidirlər”, - qeyd olunub.
Bəyanatda həmçinin ABŞ vətəndaşlarına Belarusa səfər etməmələri ilə bağlı xəbərdarlıq edilib.
Bizi Telegram-da izləyin...
