Ukrayna hərbçiləri Rusiyanın piyada döyüş maşınını belə məhv etdi - VİDEO
Ukrayna Müdafiə Qüvvələri Baxmut bölgəsində (Donetsk vilayəti) Rusiya piyadalarının döyüş maşını aşkar edib və sonra məhv edib.
Redaktor.az-ın məlumatına görə, bu barədə RBC-Ukrayna Ukrayna Dövlət Sərhəd Xidmətinə istinadən xəbər verir.
"Sərhədçilər-hava kəşfiyyatı düşmənin zirehli texnikasının Baxmut cinahında təmas xəttinə doğru hərəkətini aşkar edib", - məlumatda deyilir.
Qeyd olunur ki, PUA operatorları dərhal koordinatları Ukrayna Silahlı Qüvvələrinin 3-cü əlahiddə hücum briqadasının minaatanlarına təhvil veriblər.
“İşğalçılara “təbrik sürprizləri” göndərmək üçün uşaqlara öyrətməyə ehtiyac yoxdur, buna görə də hədəf effektiv şəkildə məhv edilib”, - Dövlət Sərhəd Xidməti əlavə edib.
Qeyd etmək lazımdır ki, Baxmut aylarla döyüşlərin episentri olaraq qalıb. Ukrayna Silahlı Qüvvələrinin Baş Qərargahının məlumatına görə, ordu Baxmut şəhərinin cənubunda hücum əməliyyatları keçirir. Onlar əldə edilmiş sərhədlərdə sabitlənib. Öz növbəsində işğalçılar itirilmiş mövqeləri bərpa etməyə çalışırlar.
Baxmut bölgəsində son 24 saat ərzində Ukrayna qüvvələri az müvəffəqiyyətlə məhdud əks-hücum əməliyyatlarını davam etdirib. Ukrayna ordusu Andreevkanın daha qərbində və şimalında (Baxmutdan 10 km cənub-qərbdə) mövqelərə çatıb.
Bu gün Ukrayna müdafiə nazirinin müavini Anna Malyar bildirib ki, Ukrayna Silahlı Qüvvələri ötən həftə Baxmut ətrafında daha 3 kvadrat kilometr ərazini azad edib.
Turan İSMAYIL
Bizi Telegram-da izləyin...
