Səkkiz ukraynalı pilot Danimarkada F-16 təyyarələrində təlimlərə başladı
Danimarka Silahlı Qüvvələri ukraynalı pilotlara və şəxsi heyətə F-16 döyüş təyyarələri ilə bağlı təlimlərə başlayıb. 73 ukraynalı artıq Yutlandın cənubundakı Skrydstrup aviabazasına gəlib, onlardan səkkizi pilot, qalanları texniki və yardımçı heyətdir.
Redaktor.az TASS-a istinadla xəbər verir ki, bu barədə krallığın Müdafiə Nazirliyi bildirir.
"Önümüzdəki aylarda onlara F-16 döyüş təyyarələrini idarə etmək və saxlamaq üçün əsas bacarıqlar öyrədiləcək", - press-relizdə izah edilir.
Bundan əvvəl Ukrayna Prezidenti Volodimir Zelenski Niderland ilə Kiyevə 42 F-16 qırıcısının tədarükü ilə bağlı sıçrayışlı razılaşmanın olduğunu açıqlamışdı. Danimarka da 19 F-16 qırıcısını Kiyevə təhvil verməyə hazır olduğunu açıqladı, ilk 6 döyüş təyyarəsi Ukraynaya Yeni ildən əvvəl gələcək. Danimarka Hərbi Hava Qüvvələrinin 30-a yaxın qırıcısı var ki, ölkə daha müasir F-35-lərə keçdikdə onlar istismardan çıxacaqlar. Niderland Hərbi Hava Qüvvələrində bu təyyarələrdən 42-si var.
Qeyd edək ki, Danimarka və Niderland ukraynalı pilotların hazırlığını elan edib və onlara daha doqquz ölkə (Belçika, Böyük Britaniya, Kanada, Lüksemburq, Norveç, Polşa, Portuqaliya, Rumıniya və İsveç) kömək edəcək.
Turan İSMAYIL
Bizi Telegram-da izləyin...
