ABŞ qırıcısı Kaliforniyada qəzaya uğradı
F-18 qırıcı təyyarəsi San Dieqo şəhəri yaxınlığında (Kaliforniya) ABŞ Dəniz Piyadaları Korpusunun Miramar Hava Stansiyasının yaxınlığında qəzaya uğrayıb.
Redaktor.az ABC telekanalına istinadla xəbər verir ki, istinadla xəbər verir ki, qəza səhər tezdən baş verib. Səlahiyyətlilər hələlik təyyarənin qəzaya uğramasına nəyin səbəb olduğunu və pilotun hazırda hansı vəziyyətdə olduğunu açıqlamaqdan imtina ediblər. Təyyarənin göyərtəsində başqa insanların olub-olmadığı da bəlli deyil.
Pentaqonun sözçüsü telekanala insident faktını təsdiqləyərək qırıcının təlim missiyasını yerinə yetirdiyini bildirib. Hadisənin digər təfərrüatları barədə hələlik məlumat verilmir.
Miramar aviabazasının nümayəndələrinin daha sonra rəsmi olaraq bildirdiyi kimi, hərbçilər qəzadan xəbərdar idilər və öz araşdırmalarına başladılar. Eyni zamanda, onlar pilotun taleyi və qəzada yaralananların olub-olmaması ilə bağlı məlumatları da açıqlamayıblar.
"Qəzanın düşdüyü yer bazanın şərqindəki dövlət mülkiyyətindədir və hazırda dövlət obyektlərinə ziyan dəyməsi əlamətləri yoxdur. Axtarış-xilasetmə işləri davam edir. Məlumat əldə olunan kimi ictimaiyyəti məlumatlandıracağıq", - aviabazadan bildirilib.
Turan İSMAYIL
Bizi Telegram-da izləyin...
