Tramp rəsmi ifadəsi üçün bu tarixdə məhkəmə qarşısına çıxacaq
ABŞ-ın keçmiş prezidenti Donald Tramp rəsmi ittiham irəli sürmək üçün sentyabrın 6-da Corciyada məhkəmə qarşısına çıxacaq.
Redaktor.az TASS-a istinadla xəbər verir ki, bu barədə Fulton dairə məhkəməsinin məlumat bazasında yerləşdirilən sənəddə deyilir.
Mətndə deyilir: “Məhkəməyə ilkin ifadəni sentyabrın 6-da saat 09:30-da (Bakı vaxtı ilə 17:30 -red.) təyin edin”.
Corciyada seçkiyə müdaxilə ilə bağlı işdə qalan müttəhimlərin də eyni tarixə gəlməsi planlaşdırılır.
Corciyada ibtidai istintaq çərçivəsində cinayət işi üzrə təqsirləndirilən şəxs əvvəlcə həbsxanaya gələrək özünü hakimiyyət orqanlarına təslim etməlidir. Tramp bunu avqustun 24-də edib və dərhal 200 min dollar məbləğində girov qarşılığında sərbəst buraxılıb. Bundan sonra bir neçə gün ərzində müttəhim rəsmi ittihamlar üçün məhkəməyə gəlməlidir. Nyu-York və Florida ştatlarında, həmçinin Trampın da ittiham olunduğu Kolumbiya metropoliten dairəsində bu hərəkətlərin hər ikisi eyni gündə baş verib. Corciyada işə mahiyyəti üzrə baxılmasına daha sonra başlanacaq.
Avqustun 14-də Corciyanın böyük münsiflər heyəti 2020-ci il seçkilərinə müdaxilə işində eks-prezidenti, onun vəkillərini, köməkçilərini, təşviqat heyətini və yerli Respublikaçılar Partiyasının nümayəndələrini ittiham edib. İttihamlar ən azı 20 il həbs cəzasını nəzərdə tutur.
Turan İSMAYIL
Bizi Telegram-da izləyin...
