16 yaşlı çempion qətlə yetirilib? - Cinayət işi açıldı
Rusiyanın paytaxtı Moskvada 16 yaşlı fiqurlu konkisürən gəncin yoxa çıxmasından sonra müstəntiqlər qəsdən adam öldürmə maddəsi ilə cinayət işi açıblar.
Redaktor.az xəbər verir ki, bu barədə TASS-a Moskvada Baş İstintaq İdarəsinin mətbuat xidmətindən məlumat verilib.
“16 yaşlı Alina Qorbaçovanın itkin düşməsinin bütün hallarını müəyyən etmək üçün Rusiya İstintaq Komitəsinin Moskva üzrə Baş İstintaq İdarəsinin istintaq orqanları Rusiya Federasiyası Cinayət Məcəlləsinin 105-ci maddəsinin 1-ci hissəsi (qəsdən adam öldürmə) ilə cinayət işi qaldırıblar”, - məlumatda deyilir.
Qeyd edək ki, bazar ertəsi axşam saat 19 radələrində Moskvada yeniyetmələr arasında fiqurlu konkisürmə üzrə Rusiya çempionu Alina Qorbaçova yoxa çıxıb. O, “Buzlu Arena”dan çıxıb, qonşuluqdakı parka tərəf yollanıb. Bundan sonra onu heç kim görməyib. 16 yaşlı Rusiya çempionunun məşqçisi ilə mübahisə etdiyi haqqında məlumatlar var.
Lakin hələlik itkin düşən idmançının axtarışları heç bir nəticə verməyib.
Turan İSMAYIL
Bizi Telegram-da izləyin...
