Səkkizinci sinif şagirdi enerji içkisindən komaya düşüb - FOTO
Krımda bir şagird enerji içkisi içdikdən sonra komaya düşüb və daha sonra xəstəxanada ürəyi dayanıb.
Redaktor.az xəbər verir ki, bu barədə SHOT teleqram kanalı məlumat yayıb.
Kanalın məlumatına görə, faciə Krımın Nijeqorodski kəndində baş verib. SHOT qeyd edib ki, avqustun 19-da 14 yaşlı oğlan bir qutu enerji içkisi içib və demək olar ki, dərhal xəstələnib. Qeyd olunur ki, səkkizinci sinif şagirdi təcili olaraq xəstəxanaya çatdırılıb və o, komaya düşüb. Teleqram kanalı dəqiqləşdirib ki, həkimlər yeniyetməyə “naməlum maddədən zəhərlənmə” diaqnozu qoyublar.
Nəşrin məlumatına görə, günorta saatlarında zərərçəkmiş özünə gəlib. O, bir həftə xəstəxanada yatıb, lakin bazar ertəsi həkimlər onun analizlərinin nəticələrindən narahat olublar. Həkimlər uşağı Simferopola aparmaq üçün helikopter istəyiblər, lakin daşınmağa hazırlaşarkən yeniyetmənin ürəyi dayanıb.
SHOT-un məlumatına görə, gənclərin evində bir neçə boş qutu enerji içkisi tapılıb ki, onlardan ən azı birini şagird xəstəxanaya düşməzdən əvvəl içib. Hazırda uşağın ölümünün dəqiq səbəbləri müəyyənləşdirilir. Nəşr əlavə edib ki, mərhum yaxşı oxuyub və firavan ailədə böyüyüb.
Turan İSMAYIL
Bizi Telegram-da izləyin...
