Almaniya İsveçdən alacağı bu tankları Ukraynaya verməyəcək
İsveçrə Senatının Təhlükəsizlik Siyasəti Komissiyası (CPS-E) Nazirlər Kabinetinin Almaniyaya 25 "Leopard-2" tankı satmaq təklifini dəstəkləyib, çünki onlar Ukraynada bu döyüş maşınlarından istifadə etməyəcəklərini vəd ediblər.
Redaktor.az bu barədə "gazeta.ru"ya istinadla xəbər verir.
“Almaniya söz verib ki, alınarsa, bu tanklar sonradan Ukraynaya göndərilməyəcək”, - deyə komissiya bildirib.
CPS-E mətbuat xidməti aydınlaşdırıb ki, söhbət "Leopard-2"nin versiyası olan 25 "Leopard 87" tankından gedir. Bu hərbi texnikanın komissiyada vurğulandığı kimi, RUAG tərəfindən alınmış və İtaliyada saxlanılan “Leopard-1” tanklarına heç bir aidiyyəti yoxdur.
İsveçrə Senatının komissiya üzvlərinin fikrincə, “Leopard-2” tanklarının istehsalçıya yenidən satılması təhlükəsizlik baxımından məqsədəuyğundur, o, İsveçrənin Avropa tərəfdaş ölkələrinə “müsbət siqnal vermək” üçün nəzərdə tutulub. İndi deputatlar sentyabr sessiyasında bu təklifə səs verməlidirlər.
Turan İSMAYIL
Bizi Telegram-da izləyin...
