Qanunvericilər Baydenin impiçment sorğusunu dəstəkləyirlər - Konqresmen
ABŞ Prezidenti Co Baydenə qarşı impiçment araşdırmasına başlamaq ideyası artıq ABŞ qanunvericiləri arasında kifayət qədər dəstəyə malikdir.
Redaktor.az TASS-a istinadla xəbər verir ki, bunu ABŞ Konqresinin Nümayəndələr Palatasının üzvü Marjorie Taylor-Green bazar günü amerikalı jurnalist Aleks Consa müsahibəsində bildirib. Yayım "madmaxworld" platformasında aparılıb.
"İnanıram ki, impiçment sorğusuna səs verəcək kifayət qədər insanımız var" - deyən konqresmen ABŞ qanunvericilərinin sentyabrın əvvəlində tətildən qayıdan kimi məsələ ilə bağlı səsvermənin başlaya biləcəyini bildirib.
Qeyd edək ki, bundan əvvəl ABŞ Konqresinin Nümayəndələr Palatasındakı Respublikaçıların bir hissəsi Baydenin impiçment prosedurunun sentyabrda başlamasının tərəfdarı idi, lakin qanunvericilər hələ bu məsələdə konsensusa gələ bilməyiblər. Nümayəndələr Palatasının spikeri Kevin Makkartinin fikrincə, impiçment ABŞ-ın hazırkı prezidenti və onun ailəsinin korrupsiyada əli olması ilə bağlı həqiqəti aşkar etməyin yeganə yoludur.
May ayında ABŞ Nümayəndələr Palatasının Nəzarət və Hesabat Komitəsindəki Respublikaçılar Bayden ailəsinin üzvlərinin və onlarla əlaqəli şəxslərin əvvəllər şirkətlər şəbəkəsi vasitəsilə xaricdən milyonlarla dollar aldıqlarına dair sübutlar əldə etdiklərini söylədilər. Komitə sədri Ceyms Komerin sözlərinə görə, bu, Baydenlərin və onlarla əlaqəli şəxslərin öz varlanmaları üçün istifadə etdikləri "20-dən çox şirkətin mürəkkəb və şübhəli şəbəkəsidir". Bu firmaların əksəriyyəti Baydenin vitse-prezident olduğu dövrdə yaradılmış məhdud şirkətlər idi. Komerin sözlərinə görə, bank qeydləri Bayden ailəsi, onunla əlaqəli insanlar və onların firmalarının əcnəbilərdən və onların şirkətlərindən 10 milyon dollardan çox pul aldığını göstərir.
Turan İSMAYIL
Bizi Telegram-da izləyin...
