Tramp Respublikaçılar arasında birinci yerdədir
Yeni sorğuya əsasən, keçmiş prezident Donald Tramp Respublikaçılar Partiyasından ABŞ prezidentliyinə namizədlər siyahısında birinci yerdədir.
Redaktor.az bu barədə CNN-ə istinadən xəbər verir.
“Tramp öz partiyasından namizədliyə ən yaxşı namizəddir, o, ən yaxın rəqibini 30%-dən çox qabaqlayır (Onu Respublikaçılar və Respublikaçılara meylli müstəqil seçicilərin 52%-i dəstəkləyir). Və çoxları Trampın geniş spektrli məsələlərin həlli üçün ən yaxşı namizəd olduğuna inanır.
CNN yazır ki, təxminən üçdə ikisi onu ən yaxşı iki namizəddən biri hesab edir və 61% onun partiyanın namizədi olmaq ehtimalının yüksək olduğunu düşünür, yazın əvvəlində bu rəqəm 52% idi.
Əksəriyyət Trampa qarşı irəli sürülən cinayət ittihamlarının onun prezidentlik qabiliyyəti ilə heç bir əlaqəsi olmadığını düşünür.
Buna görə də respublikaçı seçicilərin əksəriyyəti iddiaların Trampın seçilməsinə təsir edə biləcəyindən ciddi narahat deyil.
Hazırda Tramp bir neçə iş üzrə 90-dan çox cinayət ittihamı ilə üz-üzədir. O, pornoqrafik aktrisa Stormi Danielle 130 min dollar ödəməkdə, 2020-ci il seçkilərinə xələl gətirməkdə və vəzifəsini tərk etdikdən sonra məxfi məlumatlarla işləməkdə ittiham olunur.
Qeyd edək ki, 2024-cü ildə, prezidentlik praymerizləri başlamazdan əvvəl, Kapitoliya hücumu ilə bağlı Trampın məhkəməsi başlayacaq.
Turan İSMAYIL
Bizi Telegram-da izləyin...
