Rusiya 30 ildən sonra Asiya ölkəsi ilə uçuşları bərpa etdi
Rusiya və Myanma 30 illik fasilədən sonra uçuşları bərpa ediblər.
Redaktor.az xəbər verir ki, bu barədə TASS-a Federal Hava Nəqliyyatı Agentliyinin mətbuat xidmətindən məlumat verilib.
Bildirilib ki, Myanma Rusiyanın birbaşa uçuş həyata keçirdiyi 38-ci ölkə olub.
"Bu gün, 5 sentyabr 2023-cü il tarixində Yanqon-Mandalay-Novosibirsk marşrutu üzrə uçuş həyata keçirən Myanmar Airways International-ın ilk müntəzəm reysi Novosibirskə çatdı. Beləliklə, Rusiya ilə Myanma İttifaqı Respublikası arasında 30 il əvvəl dayandırılan hava hərəkəti uğurla bərpa olunub”, - Federal Hava Nəqliyyatı Agentliyində qeyd olunub.
Novosibirskdə ilk reys su qövsü ilə qarşılanıb, sərnişinləri Novosibirsk vilayətinin rəhbərliyinin, hava limanının, Federal Hava Nəqliyyatı Agentliyinin nümayəndələri qarşılayıblar.
Yusif EYVAZLI
Bizi Telegram-da izləyin...
