Fransa məhkəməsi Assanjın sığınacaq tələbini rədd etdi
WikiLeaks-in qurucusu Julian Assanjın Britaniya həbsxanasından Fransaya sığınacaq istəməsi üçün verilən icazə tələbi Kretey kommunasının məhkəməsi tərəfindən rədd edilib.
Redaktor.az xəbər verir ki, bu barədə AFP agentliyi məhkəmənin qərarına istinadən məlumat yayıb.
Xatırladaq ki, Assanj 2019-cu ilin aprelində Ekvadorun Londondakı səfirliyinin ərazisindən qovulduqdan sonra həbs edilib və Londonun Belmarş həbsxanasına yerləşdirilib. Dörd ildən artıqdır ki, Vaşinqton Londonun ABŞ-a ekstradisiyasını axtarır, lakin Assanjın müdafiəsi bunun qarşısını almaq üçün getdikcə daha çox cəhdlər edir. Bundan əvvəl Assanjın arvadı bildirib ki, əri Britaniya məhkəməsi vasitəsilə onun ABŞ-a ekstradisiyasına mane olmaq üçün son fürsətdən istifadə edəcək.
52 yaşlı Assanj ABŞ-da Amerika tarixində ən böyük məxfi məlumatların açıqlanması ilə bağlı cinayətlərdə ittiham olunur. Ona qarşı irəli sürülən ittihamların cəminə görə, onu 175 il həbs cəzası gözləyir. Noyabr ayında "The New York Times", "The Guardian", "The Times", "Le Monde" və EL PAÍS daxil olmaqla Qərb nəşrləri Birləşmiş Ştatlar hökumətini Assanja qarşı ittihamları götürməyə çağırıb.
Turan İSMAYIL
Bizi Telegram-da izləyin...
